Pagkaing Nakaka-hilom ng Kidney o Bato (repair restore foods)

Nakakatulong ang tamang pagkain para manatiling maayos ang pagandar ng kidney, at maiwasan lumala ang kondisyon sa bato.
 
Lalo sa mga taong may kidney diesease, mahalaga na sumunod sa mga pinapayong pagkaing tumutulong mabawasan ang dumi sa dugo, para di ito maipon. Ang tawag sa diet na ito ay ‘renal diet’.
 
Narito mga pagkaing nakakatulong mapahilom ang kidney:
1.     Cauliflower – Maraming nutrisyon ang cauliflower, kasama na vitamin B9, na nakakatulong mabawasan ang pagtaas ng antas ng phosphorous sa mga taong may sakit sa kidney o nag-da-dialysis. Marami rin itong anti-inflammatory compounds na nakakatulong mabawasan ang pamamaga ng kidney, kapag nagbara ito. Maaaring hiwain ng pino ang cauliflower, pagkatapos ay dikdikin para gawin itong pamalit sa kanin.  
2.     Egg whites o Puti ng itlog
Maganda ang egg whites para sa mga nag-da-dialysis, na nangangailangan ng protina, ngunit kelangan limitahan ang pagkain ng phosphorus. Dahil ang mga dilaw sa itlog ay may mataas na phosphorus, kaya’t mas mabuti ang puti ng itlog para sa renal diet.
 
3.      Bawang at Sibuyas
Mahalaga sa mga taong may problema sa kidney ang paglimita sa pagkain ng sodium o asin. Kaya’t magandang pamalit ang bawang at sibuyas, imbes na dagdagan ng toyo o asin. May sustansya din ang bawang at sibuyas. Halimbawa, ang bawang ay mayaman sa Vitamin B at may anti-inflammatory properties na nakakabawas ng pamamaga. Samantala, mabango at pampadagdag sarap din ang sibuyas, pero di ito nakakasama sa bato.
 
 
4.     Bell peppers – Masustansya ang bell peppers, at mababa sa potassium, di tulad ng ibang gulay. Mabuti ang mga pagkain na mababa sa potassium, dahil nahihirapan magtanggal ng dumi ang kidney kapag may kidney disease. Malasa din ang bell peppers, kaya’t maiiwasan na magdagdag ng asin o maalat, na nakakasama sa kidney.
 
5.     Probiotics/ Yogurt – Tumataas ang urea ng mga taong may CKD, kaya’t madalas nagiiba ang kanilang panunaw, tulad ng pagkakaroon ng constipation o matigas ang dumi at pagtatae. May mga pagaaral na nagpapatunay na nakakatulong ang mga probiotics tulad ng yogurt sa pagbagal ng CKD, dahil pinapabuti nito ang pagandar ng tiyan at panunaw, kaya’t lumalakas din ang resistensiya ng pasyente.
 
Babala: Magkakaiba ang sitwasyon ang bawat taong may kidney disease, kaya’t mahalagang kausapin ang iyong doctor, kung ano ang mga pwede at bawal kainin.
Napaka-karaniwan ng kidney disease, na umaantig sa 10 porsyento ng tao sa mundo. Kaya’t sa