Nasa nature na siguro talaga nating mga Pinoy na bigyan ng kulay ang pagtatambal ng mga artista on-screen. Madalas natin ine-expect na basta magka-love team, kailangan magkatuluyan din in real life. Minsan naman, ang mga networks mismo ang gumagawa ng paraan para maging sweet maging off-cam ang mga love team na ito. Minsan, parang OA na at hindi na makakatotohanan. Ngunit mukhang medyo totoo na ang dating ng isa sa mga pinakabago at mainit na love team ngayon mula sa ABS-CBN: ang tambalan ni JC De Vera at Jessy Mendiola.
Kasalukuyang bahagi ng teleseryeng “You’re My Home”, bali-balita na hindi lang on-screen ang kilig sa pagitan ng aktor at aktres. Sabi nga nila, malabong hindi magka-developan ang dalawang love team lalo’t malaki ang posibilidad na madala sila sa kanilang mga eksena. Usap-usapan ng mga netizens ngayon na talaga nga naman naguumapaw ang chemistry ni JC at Jessy at mukhang totohanan na nga yata.
Ayon sa isang source, minsang nakita na si JC at Jessy na magkasama sa isang high-end mall/park at mukha ngang may pagka-sweet ang dalawa. Nauna na ding nakita na pag pasok ng taon ay nag-post si Jessy ng kanyang litrato sa Instagram with the following caption: Pasabog 2016. Thank you. ☺️❤️☺️ #lalonakonamula #moisturizerpamore (Photo credit: senorita_jessy)
Posible nga bang kay JC galing ang mga bulaklak na yan? Posible nga at bakit naman hindi? Parehas naman silang single; ngunit “ready to mingle” na ba talaga si Jessy?
Maaalalang nagkabalikan si Jessy at ang kanyang dating nobyo na si JM De Guzman noong nakaraang taon. Matapos ang isang kontrobersya na kinasangkutan ni Jessy na naganap umano sa eroplano kasama ang isa pang sikat na aktor, nag-iba na ang dating ni JM. Ang kanyang mga pinopost sa kanyang Instagram account ay talaga namang ikinabahala ng kanyang mga fans. Ang sabi pa ng mga netizens, si Jessy daw ang “jinx” kay JM dahil sa tuwing magkasama sila, bumabagsak daw ang career ni JM. Diba’t talaga namang naging successful ang That Thing Called Tadhana at matapos nun ay nagkabalikan si JM at Jessy. Nagkaroon pa ng teleserye si JM. Pero naglaho ang magandang karera nya ng biglaan at tuluyan na nga silang naghiwalay. Noong Nobyembre 2015 kinumpirma ni Jessy ang nasabing hiwalayan. Sa ngayon, sabi nila posibleng “nagpapagaling” ulit si JM pero wala tayong pruweba dito sa ngayon maliban na lamang sa kanyang absence sa social media for almost 2 months now.
Mabalik tayo kay JC De Vera. As early as 2014 ay natsi-tsismis na si JC at Jessy. Noong March 2014 pa lang ay nainterview na ng Buzz ng Bayan si JC De Vera at dineny niya ang nasabing tsismis dahil busy siya. Hindi daw muna siya makikipag-date at sabi niya, “Ayaw ko naman na yung babae pinaghihintay tapos hindi binibigyan ng time.” (Source: http://rp2.abs-cbnnews.com/entertainment/03/31/14/jc-de-vera-denies-dating-jessy-mendiola) Sakto naman at magkasama sila ni Jessy sa soap at definitely, mabibigyan niya ito ng time. Maaring may relasyon na nga si JC at Jessy ngunit malabong umamin ito lalo na’t saglit pa lang mula nang maghiwalay sila ni JM. Hindi pa umaabot sa “three-month rule”! May posibilidad din na nagkakamabutihan pa lamang sila o talagang purely promo lang ng network ito bilang kailangan talaga ng gimik para tumaas ang ratings ng You’re My Home.
