Sakit na dulot ng softdrinks: Gaano karami pwede inumin? Epetko sa katawan

Gaano karaming softdrinks pwedeng inumin? Alam natin na masama softdrinks. Pero ano-ano ba talaga ang mga tinutukoy na sakit nito? Mahalaga malaman kung paano sinisira ng softdrinks ang katawan, upang mas maengganyo limitahan o iwasan ito.
 
Eto ang top 5 na sakit na maaaring makuha sa softdrinks:
 
5. Sakit sa Utak – May pagaaral na nagsuri sa epekto ng mga matatamis na inumin sa utak. At napagalaman nila na ang mga matatamis na inumin ay nakakataas ng antas ng iilang kemikal sa utak na nakakasagabal sa pagandar nito. Kaya’t tumataas ang tsansang magka-ulyanin o dementia.
Bukod pa rito, ang madalas na paginom ng matatamis na inumin tulad ng softdrinks ay maaaring makaapekto sa kalidad at lalim ng tulog ng isang tao.
Base pa sa ibang pagaaral, ang mga taong mahilig sa matatamis na inumin ay mas mahina ang memorya. Mas maliit din daw ang kanilang hippocampus, isang parte ng utak na mahalaga sa karunungan.
 
4. Nakakataas ng Timbang – base sa iilang pagaaral ng mga doctor, ang mga taong mahilig sa matatamis na inumin tulad ng softdrinks ay karaniwang mas mataba o mataas ang timbang. Dahil kapag madaming nainom na softdrinks, napupuno ang asukal sa atay, at nagiging taba ito.  Maaaring maging sanhi rin ito ng non-alcoholic fatty liver disease.
 
3. Sakit sa Bato o Kidney – Ang mga maitim na kulay na softdrinks, tulad ng colas, ay naglalaman ng phosphoric acid, na nakakasira ng kidney. Ang mataas na antas ng phosphoric acid ay maaaaring magdulot din ng kidney failure sa katagalan.
 
Maaaring makataas din ng uric acid (hyperuricemia) at magdulot ng kidney stones.
 
 
 
2. High blood pressure -
Base sa pagaaral ng mga eksperto, ang mga taong umiinom ng mahigit isang regular na boteng softdrink sa isang araw ay karaniwang may mas mataas na blood pressure. Tumataas rin daw ang blood pressure habang dinadamihan ang paginom. Ito’y dahil daw ang asukal ay nakakasagabal sa daloy ng dugo sa daluyan ng ugat.  Ayon sa American Heart Association, dapat limitahan sa di hihigit ng 3 latang softdrinks sa isang linggo.
 
1. Diabetes – Base sa maraming pagaaral ng mga dalubhasa, ang mga taong umiinom ng mga 1-2 regular na bote o lata ng softdrinks sa isang araw, ay higit na mas malaki ang tsansang magka-type 2 diabetes, kesa sa mga taong bihira lang uminom.
 
 
Sources:
 
Alahmary, S. A., Alduhaylib, S. A., Alkawii, H. A., Olwani, M. M., Shablan, R. A., Ayoub, H. M., Purayidathil, T. S., Abuzaid, O. I., & Khattab, R. Y. (2019). Relationship Between Added Sugar Intake and Sleep Quality Among University Students: A Cross-sectional Study. American journal of lifestyle medicine, 16(1), 122–129. https://doi.org/10.1177/1559827619870476
 
González-Morales, R., Canto-Osorio, F., Stern, D., Sánchez-Romero, L. M., Torres-Ibarra, L., Hernández-López, R., Rivera-Paredez, B., Vidaña-Pérez, D., Ramírez-Palacios, P., Salmerón, J., Popkin, B. M., & Barrientos-Gutiérrez, T. (2020). Soft drink intake is associated with weight gain, regardless of physical activity levels: the health workers cohort study. The international journal of behavioral nutrition and physical activity, 17(1), 60. https://doi.org/10.1186/s12966-020-00963-2
 
Hernández-López, R., Canto-Osorio, F., Vidaña-Pérez, D., Torres-Ibarra, L., Rivera-Paredez, B., Gallegos-Carrillo, K., Velazquez, R., Ramírez, P., Barrientos-Gutiérrez, T., Salmerón, J., & López-Olmedo, N. (2022). Soft drink and non-caloric soft drink intake and their association with blood pressure: the Health Workers Cohort Study. Nutrition journal, 21(1), 37. https://doi.org/10.1186/s12937-022-00792-y
 
Malik VS, Popkin BM, Bray GA, Després JP, Willett WC, Hu FB. Sugar-sweetened beverages and risk of metabolic syndrome and type 2 diabetes: a meta-analysis. Diabetes care. 2010 November 1;33(11):2477-83.
 
Pase, M. P., Himali, J. J., Beiser, A. S., Aparicio, H. J., Satizabal, C. L., Vasan, R. S., Seshadri, S., & Jacques, P. F. (2017). Sugar- and Artificially Sweetened Beverages and the Risks of Incident Stroke and Dementia: A Prospective Cohort Study. Stroke, 48(5), 1139–1146. https://doi.org/10.1161/STROKEAHA.116.016027
 
Singh, G. M., Micha, R., Khatibzadeh, S., Lim, S., Ezzati, M., Mozaffarian, D., & Global Burden of Diseases Nutrition and Chronic Diseases Expert Group (NutriCoDE) (2015). Estimated Global, Regional, and National Disease Burdens Related to Sugar-Sweetened Beverage Consumption in 2010. Circulation, 132(8), 639–666. https://doi.org/10.1161/CIRCULATIONAHA.114.010636