Ano ang Teritoryo at mga Hangganan ng Pilipinas? Ano ang Philippine Treaty Limits?

Nbsp; Importanteng malaman ang mga karapatang pangkasaysayan ng isang bansa sa pag-alam ng teritoryong panlupa at maritima nito. Samantala sa Pilipinas, ang karapatan maritima ang ginagamit, batay sa Philippine Treaty Limits.

Ano ang Philippine Treaty Limits?
     May tatlong kasunduan ang Philippine Treaty Limits ito ay ang mga sumusunod:

1. Treaty of Paris of 1898 - Nangyari ang paglagda ng Treaty of Paris noong Disyembre 10, 1898. Sa pamamagitan ng kasunduang ito, inilipat ng Spain sa Estados Unidos ang karapatan nito sa Pilipinas. 
     Sa bisa ng Treaty of Paris, sinabi na ang teritoryo ng Pilipinas ay hugis parihaba na may lapad na 965.61 kilometro; habang 1931.21 kilometro; at mayroong 7101 pulo. Ayon sa Treaty of Paris ang teritoryo ng Pilipinas ay sakop na teritoryong inangkin ng Spain sa Pilipinas sa loob ng mahigit 300 taon. Naging batayan din io ng Jones Law at Hawes-Cutting Act noong panahon ng kolonyalismong Amerikano sa pagtuklas sa mga hangganan at teritoryong sakop ng Pilipinas.

2. Cession Treaty of 1900. Ang Cession Treaty of 1900 ay nilagdaan sa Washington DC, US. Nilagdaan ang kasunduang ito ng Spain at United States (US) kaugnay sa Pilipinas. 
     Nagkaroon lang ng kaunting pagbabago ang kasunduan na nilagdaan sa Paris noong 1898 sa kasunduang Cession ng 1900. Kapalit ng karagdagang $100,000 na bayad sa Spain, idinagdag ang mga pulo ng Sibutu at Cagayan (na bahagi ng Sulu archipelago) sa teritoryong inilipat ng Spain sa US.

3. Boundaries Treaty of 1930. Noong Enero 2, 1930, nilagdaan ang kasunduang Boundaries Treaty sa pagitan ng United Kingdom (UK) at US. 
     Sa kasunduang ito, nilimitahan ang mga hangganan sa pagitan ng North Borneo (Sabah), na pinoprotektahan ng mga British; at ang sakop noon ng mga Amerikano, ang Pilipinas. Ang kalagayan ng Turtle Islands at Mangsee Islands ang tinutukoy sa kasunduang ito.