Mga Ayos ng Pangungusap
May dalawang ayos ng pangungusap: karaniwan o tuwid at di-karaniwan o baliktad na ayos.
A. Karaniwan o tuwid na ayos
Nauuna ang panaguri o ang bahagi nito kaysa sa simuno sa pagbubuo ng isang pangungusap. Ito ang kadalasang ginagamit natin lalo na sa mga pasalitang gawain.
Halimbawa
1. Itinapon / ni Melody /ang mga luma niyang damit.
Ang mga salitang Itinapon at ang mga luma niyang damit ang panaguri at ang salitang Si Melody ang simuno.
2. Nakagat ng aso /si Majo.
Ang mga salitang Nakagat ng aso ang panaguri at ang salitang si Majo ang simuno.
3. Bilini na /ni Marc /ang natitirang kakanin.
Ang mga salitang Binili na at natitirang kakanin ang panaguri at ang salitang ni Marc ang simuno.
4. Ginutom /si Eruel /sa kahihintay.
Ang mga salitang Ginutom at sa kahihintay ang panaguri at ang salitang ni Eruel ang simuno.
5. Papunta /sina Shelly at Mae /sa palengke.
Ang mga salitang Papunta at sa palengke ang panaguri at ang salitang sina Shelly at Mae ang simuno.
6. Tinawag /si Thelma/ng kaniyang guro.
Ang mga salitang Tinawag at ng kaniyang guro ang panaguri at ang salitang si Thelma ang simuno.
7. Naiwan si tatay ng bus.
Ang mga salitang Naiwan at ng bus ang panaguri at ang salitang si tatay ang simuno.
B. Di-karaniwan o baliktad na ayos
Ito ang ayos ng pangungusap na nauuna ang simuno kaysa sa panaguri. Ang panandang ay ang kadalasang nagdurugtong sa dalawang bahagi sa isang pangungusap.
Halimbawa
1. Si Alex /ay nahuli sa klase.
Ang salitang Si Alex ang simuno at ang mga salitang ay nahuli sa klase ang panaguri.
2. Ang mga mag-aaral /ay papunta sa silid-aklatan.
Ang salitang Ang mga mag-aaral ang simuno at ang mga salitang ay papunta sa silid-aklatan ang panaguri.
3. Si Mary /ay kinalmot ng pusa.
Ang salitang Si Mary ang simuno at ang mga salitang ay kinalmot ng pusa ang panaguri.
4. Ang bata /ay nadapa.
Ang salitang Ang bata ang simuno at ang mga salitang ay nadapa ang panaguri.
5. Sina Ranz at Floyd/ ay magkaibigan.
Ang salitang Sina Ranz at Floyd ang simuno at ang mga salitang ay magkaibigan ang panaguri.
6. Ang mag-anak / ay nagsisimba tuwing linggo.
Ang salitang ang mag-anak ang simuno at ang mga salitang ay nagsisimba tuwing linggo ang panaguri.
7. Sina Romeo at Cristina/ ay nagpunta sa parke.
Ang salitang Sina Romeo at Cristina ang simuno at ang mga salitang ay nagpunta sa parke ang panaguri.
Sanggunian: Antonio, E. et.al. 2015. “Kayamanan 5: batayang kagamitang Pampagturo.”
