Kasarian ng Pangngalan
Ang mga pangngalan ay maaring matukoy ayon sa pangkat nga kinabibilangan nito. Mayroon apat na kasarian ang pangngalan: panlalaki, pambabae, di-tiyak ang kasarian, at walang kasarian.
A. Pangngalang panlalaki
Ito ang mga pangngalan na ginagamit o tumutukoy sa mga lalaking tao o hayop.
Halimbawa:
A.1 Mga pangngalang panlalaki
A.2. Mga pangungusap na ginagamitan ng pangngalang panlalaki
1. Sinamahan ng tatay na magpagupit ang kaniyang anak.
2. Tinawaran ng nanay ang presyo ng isda sa tindero.
3. Kilala si Alakim bilang isang magaling na salamangkero.
4. Nagtatrabaho ang kuya bilang isang kusinero.
5. Si Shih Wang Di ay isang emperador sa sinaunang China.
6. May alagang tandang si lolo.
B. Pangngalang pambabae
Ito ang mga pangngalan na ginagamit o tumutukoy sa mga babaeng tao o hayop.
Halimbawa:
B.1. Mga pangngalang pambabae
B.1 Mga pangungusap na ginagamitan ng pangngalang pambabae
1. Ang aking tiya ang nagregalo ng bago kong relo.
2. Matagal nang nagtatrabaho si Macy bilang serbidora sa Singapore.
3. Kilalang modista sa bayan si Aling Lusita.
4. Labandera si Maui sa bahay ng mga Gomez.
5. Matagal nang mag-amiga sina Lyneth at Odeth.
6. Naglalaba si inday sa batis.
C. Di-tiyak ang kasarian
Ito ang mga pangngalan na maaring gamitin para sa lalaki o para sa babae.
Halimbawa:
C.1. Mga pangngalang di-tiyak
C.2. Mga pangungusap na ginagamitan ng pangngalang pambabae
1. Ngayon lang ulit nagkita-kita ang magbabarkada.
2. May bago tayong kasama sa pangkat.
3. Matatapos na ang termino ng mga opisyal sa pamahalaan
4. Maraming nagnanais na maging isang pulis.
5. Kasama ng tatay ang aming panganay na kapatid.
6. Mabuhay ang bagong-kasal!
D. Walang kasarian
Ito ang mga pangngalan na tumutukoy sa pook o bagay na walang buhay at walang kasarian pati na rin ang mga bagay sa kapaligiran na may buhay ngunit walang kasarian.
Halimbawa:
D.1. Mga pangngalang walang kasarian
D.2. Mga pangungusap na ginagamitan ng pangngalang pambabae
1. Pinahiram ni Leslie ang kaniyang bestida.
2. Isang mahabang kalsada ang EDSA.
3. Kulay itim ang bagong sapatos ni Jenny.
4. Ang salbabida ay naiwan sa sasakyan.
5. Kunin mo nga ang pamaymay sa loob ng aking bag.
6. Namumulaklak ang mga orchids sa hardin.
Sanggunian: Dullo, E. et.al. 2015. “Komunikasyon 3 : batayan at sanayang aklats sa Filipino.”
