Paano Pangalagaan ang ating Kalikasan? Ano mga Paraan upang Ligtas ang ating Yaman sa Pilipinas?

Mga Anyong Lupa
Karagatan
Kalimitan ang ating kinakain sa araw-araw ay nanggaling sa karagatan. Dito din tayo kumukuha ng ating ikabubuhay kaya dapat natin itong pangalagaan. Mangayayari lamang ito kung tayo ay sumunod sa mga batas at alituntunin ng pamahalaan.
 

Ano ang mga ipinagbabawal ng pamahalaan?
a. Ang mga maliliit na isda ay pakawalan, upang dumami pa.
b. Gumamit ng mga kagamitang panghuli na ligtas para sa mga yamang dagat.
c. Mahigpit na ipinapatupad ang bawal na paggamit ng dinamita at cyanide sapagkat ito ay nakalalason at nakamamatay sa mga isda at korales.
d. Mahigpit ding ipinapatupad ang tamang pagtatapon ng mga duming kemikal at industriyal na galing sa mga pabrikang nakatayo malapit sa katubigan
e. Ipinagbabawal ang manirahan sa tabing dagat sapagkat masama ang nagiging epekto nito sa mga isda at yamang-dagat.
 
Kagubatan
Malaki ang pakinabang ng bansa sa kagubatan. Dito nagmula ang iba’t ibang uri ng punongkahoy na pinanggagalingan ng papel, panggatong, troso at iba pa. Ang mga puno din sa kagubatan ang siyang pumipigil sa baha na dahilan ng malalakas na pag-ulan.
 

Paano Pagangalaga ang Kagubatan:
a. Huwag magputol ng mga punong kahoy sa kabundukan.
b. Magtanim ng bagong puno sa bawat punong napuputol upang iwas kalbo sa kagubatan.
c. Ipinagbabawal din ang quarrying o pagpatag sa kabundukan sa pamamagitan ng pagkuha ng lupa at bato.
d. Ang pagkakaingin ay ipinagbabawal sa kabundukan upang hindi maubos ang mga halaman o kahoy sa bundok.
Napakahalagang panatilihing ligtas ang kakahuyan at halamanan upang may matirhan ang mga hayop.
 
Kalupaan
Malaking parte ng lupain sa Pilipinas ang ginagamit upang tamnan ng mga produktong makakain. Ito ang dahilan kung bakit ang Pilipinas ay isang bansang agrikultura. Ang pamahalaan ang may kontrol sa pagpapatayo ng mga subdibisyon, laruan ng golf o establisimiyentong komersyal at industriyal.
Sa pag tatanim ay dapat iwasan ang paggamit ng mga patabang kemikal at pamatay insekto dahil nakakasira ito sa sustansya ng nasa ilalim ng lupa.
Iwasan ding magkalat sa mga lupain lalo na yaong mga hindi natutunaw o non-biodegradable tulad ng plastic, goma, tela, kable, at yero. Bagkus, itapon ang mga ito sa tamang tapunan o di kaya’y maaaring i-recycle kung sa tingin mo ay pwede pa.
 

Katubigan at Hangin
Tao man o hayop ay nangangailangan ng malinis na tubig at sariwang hanging lalanghapin. Panatilihin na malinis ang ating mga lawa, bukal, at ilog.
Hangga’t maari, iwasan ang polusyon sa hangin. Ang mga pabrika na bumubuga nga maruming hangin ay nakakasira sa kapaligiran at masama sa ating kalusugan.
Iwasang paagusin ang dumi sa minahan o pabrika sa mga ilog. Dapat ding ipagbawal ang pagbabyahe o pasada ng mga sasakyang nagbubuga ng maitim at masamang usok.
Tungkulin nating lahat ang tumulong sa pangangalaga ng mga likas na yaman ng ating bansa gaya ng mga karagatan, kalupaan, kagubatan at pati na rin ang hanging nagbibigay buhay sa ating lahat.